Francisco Jordan de Urries, Gipuzkoan estatuko gobernuak duen ordezkari ordea, Mikel Serrano alkatearekin batera Piedad kaleko lanak bisitatzen izan da gaur goizean.
Zumarragako Udala Espainiako Gobernuak Enplegurako Tokiko Inbertsioetarako Estatuaren Funtsaren laguntzaz hamar proiektu gauzatzen ari da. Guztira 1,8 milioi euro jasoko ditu Zumarragako Udalak estatuko fondoetatik. Zentzu honetan, garrantzitsuenetako bat, Piedad kalean egiten ari diren lanak dira. Hain justu gaur goizean, 12:00etan, lanen martxa nola doan ikusteko bisita egin du Zumarragara Francisco Jordan de Urries, Gipuzkoan estatuko gobernuak duen ordezkari ordeak.
Egiten ari diren lanak
Errepide bakarra utziko dute, oinezkoentzat espazio gehiago sortuko dute, irisgarritasun arazoak konponduko dituzte Iburreta tabernaren inguruko plazan. Horretarako, kota-jauziak desagertuko dira, oinezkoak eta autoak partekatuko duten eremu bat sortuz. Eskuinaldeko bidea kendu egingo da, baita kotxeentzako aparkalekuak ere. Ondorioz egun dauden zuhaitzen lerrokadura aldatu egingo da eta berriak jarriko dituzte. Baita banku berriak ere. Iturria mantendu egingo da eta zaharberritu ere egingo dute. Zaborra jasotzeko lurpeko sistema jarriko dute besteak beste. Piedad eta Jai Alai kalea horma batek bereiziko ditu eta argiterian ere hobekuntzak egingo dira.
Jasotako diru-laguntzaren erdia gastatuko du Udalak lan hauetan,
