Astelehen gauean ertzainak Urretxuko eta Zumarragako gaztetxera sartu ziren; Gazte Asanbladak prentsaurrekora agertzeko deia egin die herritarrei.
Urretxuko eta Zumarragako Gazte Asanbladak prentsa agerraldia egingo du bihar arratsaldean astelehenean gaztetxean jazotako gertakariak baloratu eta mobilizazioak iragarri asmoz.
Astelehen gauean ertzainak gaztetxean sartu ziren, kartel baten aitzakian bertako gazteak identifikatuz, bertan zeudenek azaldu dutenaren arabera. Ekintzak ondorio judizialak ekar diezaizkiela salatu dute gazteek eta asteburuan mobilizazioak egiteko asmoa agertu dute, protesta moduan. Herritarrei gaztetxeari elkartasuna adierazteko prentsaurrekora agertzeko deia egin diete. Prentsaurrekoa 18:00etan egingo dute bihar, gaztetxean.
