Albiste txarrekin hasi da astelehena. 74 urterekin Mikel Laboa hil dela jakin dugu orain gutxi.
Azken egunotan ospitalean zegoen eta gaur goizeko 8:30ean hil da. Azken orduetan bere emazte eta bi seme-alabak izan ditu alboan.
Gipuzkoako urrezko domina jasotzekoa zen
Gipuzkoako urrezko domina jasotzekoa zen Gabonak aurretik, tradizioaren alde eta tradizio hau gazteen artean zabaltzen egindako lanarengatik.
Bere bizitza
Donostiako Parte Zaharrean jaio zen 1934ko ekainaren 15ean. Gerra Zibila hasi orduko familiak alde egin behar izan zuen: aitak, udaletxeko zinegotzia zenak, Frantzia aldera jo zuen; ama eta zazpi seme-alabak Lekeitio aldera joan ziren, eta han bizi izan ziren aldi batean.
Ez Dok Amairu
1960ko hamarkadan Ez Dok Amairu osatzen du beste hainbat euskal artistarekin. Bertan, batez ere Benito Lertxundirekin batera, euskal kanta berria sortzen dute. Estilo tradizionala eta berriak elkartzu eta Bertolt Brecht bezalako autoreen letrak abesten dituzte. Lekeitioak abesti sorta ere sortzen ditu, oihu eta zarata esperimentalekin.
Beiti izango Mikel Laboa gogoan... bihotz barneraino sartzen baita bere kantuak entzuten ditudanean.
Belaunaldi bat ari da desagertzen pixkakana pixkanaka euskal kulturaren munduan (Jexux Artze, Mikel Laboa, Lourdes Iriondo, Jorge Oteiza, Xabier Iratzeder, Hendrike Knorr, Bitoriano Gandiaga, ...) bideak ireki zituena, lehen urrats latz eta gogorrenak eman zituena... belaunaldi berria etorri beharko da gero, aurrera bidea egitera...
"[...]
Gu sortu ginen enbor beretik sortuko dira besteak,
burruka hortan iraungo duten zuhaitz-ardaska gazteak.
Beren aukeren jabe eraikiz ta erortzean berriro jaikiz
ibiltzen joanen direnak.
[...]"
Artikuluaren Balorazioa:
5.0
Iritzi emailea Jonmikel
2008, Abendua, 01
Mikel,euskal kultur erreferentea
Gaur utzi gaitu artista, maixu,euskaltzale, herri hau maite izan duen pertsona.Herri honek ere maite ta maitatzen jarraituko du Mikel.
Zu bai herri gizona,zure abesti ederretan murgildurik nabil gaur, egun elurtuari begira.
Artikuluaren Balorazioa:
5.0
Iritzi emailea elur
2008, Abendua, 01
jaso al du nahiko maitasuna bizirik zegoen bitarte
Erdi poeta, erdi musikari, dena emanez beti, ernai. Lotsati horri gustatzen zitzaion maitatua sentitzea, denoi bezala. Argi utzi al genion zenbat maite diogun?. Bai Mikel, gaur bakarrik ez, beti egon gara zuri begira, sinistu ezinik sentiarazten duzuna... letrak besteenak eta, betirako sortu duzu berotasuna gugan, gau elurti hontan.
Artikuluaren Balorazioa:
5.0
Iritzi emailea iturengo arotza
2008, Abendua, 01
Udazkenaren tronoan
hertsi dizkiagu begiak
adiosik ez
eta goizaldean
muxika hezur batetan sarturik
o petit poete
pirotekniarik gabe lurperatu haugu
baratzan
