Errioxara irteera antolatu du Ostadar mendi taldeak asteburu honetarako, ekainaren 13rako eta 14rako.

Hilaren 13an, larunbata, Pazuengos herritik abiatuko dira, bertan Txilizarrias (1.825 metro), Cuña (2.800 metro), Cabeza Parda (2.106 metro) eta San Lorenzo (2.271 metro) gainak egingo dituzte. Eguna Valdezkaraiko eski estazioan amaituko dute. San Lorenzo Errioxako mendirik altuena da.

Luzean ibilbide laburra den arren, 2.000 metrotik gorako mendiek ikuspegi ederrak eskaintzen dituztela adierazi dute Ostadarretik. Cameros eskualdean kokatutako Lumbreras herriko aterpetxean egingo dute lo larunbat gauean.

Hilaren 14an, igandean, Logroño hegoaldean dagoen Viguera herrira joango dira lehenbizi, eta hango harrobitik gora Peña Saida (1.378 metro), Serrezuela (1.334 metro), Somero (1.313 metro), Peña Aldera (1.248 metro) eta Rodalillo (1.157 metro) mendietara igoko dira.

Taldean tokia badago oraindik, eta izena ere eman daiteke: ostegunean eta ostiraletan 20:00etatik 21:00etara, Ostadar elkartearen Zelai Arizti kultur etxeko bulegoan. Izena telefonoz (943 72 33 85) eta posta elektronikoz ( E-posta helbide hau zabor-posta bidaltzen duten roboten kontra babestua dago. Ikusi ahal izateko Javascript-a gaituta izan behar duzu. ) eman daiteke. 55 euro ordaindu behar da.

Argazkia: Valezkarai elurtuta