Iñaki Beitiaren omenezko mendi martxa maiatzaren 24an izango da aurten eta izena emateko epea maiatzaren 4an irekiko dute.

Hamahirugarrena izango da aurtengoa eta maiatzaren 24an gauzatuko da. Izena emateko epea aldiz, maiatzaren 4an irekiko da. Ohi bezala, izen-ematea Zumarragako edo Urretxuko kiroldegietan edo Ostadar Mendi taldeak Zelai Ariztin duen bulegoan egin daiteke. Azken urteetan bezalatsu, internet bidez ere eman ahal izango da izena www.beitia.org web orriaren bitartez.

Aldez aurretik izena ematen dutenek zazpi euro ordaindu beharko dituzte, egunean bertan egiten dutenek aldiz bederatzi euro.

Aurten ere bi ibilbide izango dira aukeran, bata motza 25 kilometro eta 1.300 metroko garaierakoa eta bestea luzea, 55 kilometro eta 2.300 metroko altuerakoa. Biak ala biak, Kalebarren-Areizaga plazan izango dute irteera.