Astelehen goizaldean Urretxuko gazte bat Ertzaintzak Ordizian geldiarazi zuen. Gazte honek salatu duenez jipoitu eta atxilotu egin zuten.
Gaur goizerako deituat zegoen gazte urretxuarraren aurkako epaiketa azkarra. Epaiketa atzeratu egin da. Gazteak ertzainak salatu ditu eta ondorioz epaiketa bide normaletatik abiaraziko da, prozedimentu azkarra alboratuta.
Prentsaurrekoa Tolosako epaitegian
Goierrin AHTrenb aurkako mobilizazioetan parte hartzen duten gazteek prentsaurrekoa eman dute gaur 11:30ean Tolosako epaitegi aurrean. Ertzaintzaren aldetik jasaten duten akosoa salatu dute ohar batekin. Gazte urretxuarrarena gertatu diren kasuetako bat dela adierazi dute. Asko baitira esan dutenez, Urola Garaian eta Goierrin ertzaintzaren jazarpena jasaten duten gazteak.
Prentsaurrekora 40 gazte inguru gerturatu dira baita kalez jantzitako bi ertzaina ere adierazi dutenez. Liskarra ere izan da bi ertzainetako bat prentsaurrekoa mobilez grabatzen hasi denean. Gazteek grabazioa gelditzeko eskatu diotenean, han zeudenak identifikatzen hasi dira ertzain uniformatuak. Bi gazte identifikatu dituzte azkenean.
Han zeudenek salatu dutenez, gaur kalez jantzita zeuden ertzainekin gertatutakoa ez da kasulitatehutsa izan, jasaten ari den poliziaren akosoaren adibide garbi bat baizik.
Urretxuko gaztearen testigantza
Hilaren 22an bere autoa autobiatik gidatuz zihoala, Usabiaga pabiloiaren pareko errepidean atzeko autoko kalez jantzita zihoazen bi poliziek oihuka gelditzeko agindu zioten. Pabiloiko aparkalekuan sartzeko agindu zioten eta bertan sartzerakoan beste ertzaintza patruila bat zegoela jabetu zen.
Salatutako gazteak dionez, bere leihora etorri eta oihuka hasi ziren segituan uniformedunak. Bera gisa horretan harrapatzeko gogoa zutela eta horrelakoak esanez. Autoaren paperak eskatu zizkiotela adierazi du gazteak. Oihuka jarraitu zuten bera zeregin horretan zen bitartean. Bira eman eta kolpe bat eman ziotela azaldu du urretxuarrak bere adierazpenetan. Berak modu horretan ezin zutela gelditu esan zien eta haiek lepotik helduta irainka hasi ziren.
Hainbat multa jarri zizkiotela adierazi du gazteak bere testigantzaren bitartez. Ondoren kaputxadun poliziak agertu eta esposatuta eraman zuten. Autoan sartu eta komisaldegira eraman zuten. Bertan gelditu ziren ertzainek bitartean bere autoa erregistratu zutelarik.
Gazteak dioenez komisaldegian beste polizia batek “kartzelan amaituko duzue eta zuen senitartekoak AHTan joango dira zuek bisitatzera., izorratu zaitezten” bezalakoak esan zizkion.
