Santaisabel egunari goizean goizetik emango zaio hasiera gaur Zumarragan. Antion egun osoko erromeria egin eta gero arratsaldean 20:30ean itzuliko dira herrira zumarragarrak.
Gaurko egitaraua: SANTA ISABEL EGUNA
- 8:00 Antzinako Ama txistulari taldearen KALEJIRA.
- 9:00 Santa Isabel Eguneko X. ARGAZKI RALLYA.
Izen ematea: Udaletxeko arkupeetan
- 9:30 Euskadi plazan elkartu, eta herriko agintariak nahiz herritarrak Andre Maria Jasokundekoaren parrokia-elizara joango dira; ondoren, herriko parrokiako kabildoekin batera Antioko Amaren elizara igotzeko.
- 11:00 MEZA NAGUSIA. Hasieran, ohikoa den legez, herriko dantzariek EZPATA-DANTZA eskainiko diote Ama Birjinari. Ondoren, prozesioa egingo da txistulariekin eta ezpata-dantzariekin batera, elizaren inguruan.
- 12:30 OHOREZKO AURRESKUA, eliza aurreko zelaian.
- 13:00 Bertsolariak (Joxe AGIRRE eta Imanol LAZKANO), Tolosako dultzaineroak eta trikitilariak.
- 14:30 HERRI-BAZKARIA, Antio inguruan, bertsolariek eta trikitilariek alaiturik.
- 17:30 ERROMERIA ANTZINAKO AMA txistulari taldearekin, Tolosako dultzaineroekin eta trikitilariekin.
- 19:00 Antioko Amari eskaintza: BEDERATZIURRENA eta ARROSARIOA.
- 19:30 Dantzaldia EGAN taldearekin.
Lekua: Euskadi plaza
- 20:30 AGURRA eta ITZULERA txistulariek, dultzaineroek eta trikitilariek alaituta, eta agintariak eta ezpata-dantzariak aurretik direla.
- 21:15 KALEKO EZPATA-DANTZA.
Lekua: Euskadi plaza
- 21:30 ERROMERIA txistulariekin eta trikitilariekin.
- 22:30 Dantzaldia EGAN taldearekin.
Lekua: Euskadi plaza
Oharrak:
- Egun honetan, goizeko 10etatik arratsaldeko 8ak arte Antioko bidea itxita egongo da.
- Autobus zerbitzua doan izango da goizeko 10etatik aurrera.
Irteera: ELIZA PAREAN.
- Taxi zerbitzuaz ere baliatu ahal izango da.
- Antiotik bueltan, mesedez, EZ URIK BOTA.
Txosnetako egitaraua:
- 23:00 Kontzertua, TRIKIZIO
Zumarragako Txosnen Batzordeak antolatuta, Zumarragako Udalaren laguntzarekin
