Larunbat honetan izango da bilera, Zintzo Mintzoren egoitzan goizeko 11:00etan hasita. Ahalik eta bazkide gehien bertaratzea da elkartearen helburua.

Larunbat honetan, hilak 6, goizeko 11etan, Zintzo Mintzoren Batzarra izango da eta bi gai garrantzitsu jorratu nahi dira. Alde batetik, Zintzo Mintzoren etorkizuneko lan-ildoak, antolaketa eta zuzendaritza berria zehazteko gogoeta-prozesua jarriko da martxan eta batzarrean prozesua aurrera eramateko proposamena aurkeztuko da.

Bestetik, Otamotz, otamotz.com eta Goierriko Hitzaren inguruan ere gogoetan hasi nahi da. Batzarrera hausnarketak eramango dituzte elkarteko kideek eta etorkizuneko bideak eztabaidatuko dira.

Argazkia: Zintzo Mintzo euskara elkarteko hainbat bazkide