Urretxu Carlos Mediavilla argazkilari urretxuarrak Abadiñoko San Blasetako argazki txapelketa irabazi du.

Anboto.org web orrian irakurri dugu albistea. Bertan adierazten duenez, 31 parte hartzaile izan dira, eta Mediavillak 400 euroko diru-saria jasoko du. Atzealdean baserri baten irudia duen San Blasetako erroskilen eta korden postu bati ateratako argazki batekin lortu du garaipena urretxuarrak.