Aspaldiko hutsunea betetzekotan, antzerki emanaldia izango da igande honetan Gaztelekun. 'Errare humanum est' bakarrizketa taularatuko du J.B. Pedradas aktoreak.
Arratsaldeko 19:00etan emango dio hasieran J.B. Pedradas aktoreak bizitzaren misterioez hitz egiten duen antzezlanari. Anonimus, Julio Cesar erromatarraren garaiko pertsonaiaren azalean bizitzako pasarteak umorez jantzita azalduko ditu.
KKinzona eguna
Bestalde gogoratu larunbat honetan KKinzona irratiaren urtebetetze festa izango dela. Hori dela eta Kkinzona eguna ospatuko da bihar. Bazkari herrikoia izango da Gaztelekun eguerdian eta ondoren bertso desafioa eta jolasak besteak beste. Bazkarirako txartelak Gaztelekun bertan daude salgai 10 eurotan.
