Pasa den martxoan zendu zen Lorenzo Bartzelonan, lapurreta bat egitera zihoazela labankada batez hil zuten 34 urteko gazte zumarragarra.
Musikaria zen Lorenzo, Bartzelonan, azken urteetan bizi zen lekuan eta baita Zumarragan eta Urretxun ere horregatik zen ezagun. Urretxun eta Zumarragan hainbat talde eta proiektutan jotakoa da, horien artean, Dovesblood, The Steps, Rheingold edota Las Caras de Belmez. Baxua eta kitarra jotzen zituen.
Wild Punk Records disketxean ere aritzen zen, eta lan honetan Euskal Herrira askotan etorri ohi zen, Durangoko Plateurena kafe antzokira gehienetan. Horregatik egingo diote omenaldi kontzertu bat han, ostiralean. Urretxuko eta Zumarragako taldeak izango dira bertan, The Hot Dogs!, Cool Circus, Straight Ahead, Artie Farmers eta Repugnancia Social. Baita Bartzelonako Suzy & Los Quattro taldea eta Los Paulinos bilbotarrak ere. Diego Lorenzo urte batzuez ere Bilbon bizi izan baitzen. Honela, bere hiru bizitokiak batuko dira datorren ostiralean Plateurenan. Kontzertura joateko autobusa antolatu dute lagunek eta izena Urretxuko Fox tabernan eman daiteke.
Lehenengoa Bartzelonan
Plateruenekoa Lorenzoren omenez lagunek egingo duten bigarren kontzertua izango da. Pasa den asteburuan izan ere, Bartzelonan egin zen lehendabizikoa.
