Lau egunetan zehar emango ditu eskolak Rosa Martinez aktoreak otsailean zehar, eta matrikula 50 euro kostako da.

Karmakros antzerki taldeak interpretazio ikastaro trinkoa antolatu du. Eskolak Pagoeta antzokian izango dira otsailaren 20, 21, 27 eta 28an, goizez (10:00-13:00) eta arratsaldez (14:00-18:00).

Rosa Martinez aktoreak hartuko du ikastaroaren gidaritza, antzerki aktorea bera. Tailerra gaztelaniaz emango dute.

Izena emateko epea zabaldu dute dagoeneko, eta horretarako Urretxuko edo Zumarragako kultur etxeetara joan behar da. Karmakrosetik gogoratu dute tokiak mugatuak direla.

Matrikula 50 eurokoa da. Karmakros taldeko kideek doan egiteko aukera izango dute. Informazio gehiagorako ondoko telefonora dei daiteke: 699 000 676.