Otamotz.com Urretxu-Zumarragako Zintzo Mintzo Euskaltzale Elkarteak sortutako ekimena da.
Helburuak
- Herri-informazioa gaurkotasunez eta kalitatez hedatzea: Urretxu-Zumarragako informazioa kalitatez eta gaurkotasunez herritarren esku jartzea internet bidez, gauden tokian gaudela eta une oro informazioa kontsultatzeko aukera izan dezagun.
- Kazetaritza herritarra eta parte hartzea sustatzea: Herritarren eta elkarteen parte hartzea bultzatzea eta dinamizatzea, euren ekintzen, iritzien eta gogoeten berri emateko aukera eskainiz. Kazetaritza parte hartzailea sustatu nahi dugu.
- Euskararen garapena bultzatzea Informazio eta Komunikazio Teknologietan: Euskararen bidez informazio eta komunikazio teknologia berriak gizarteratzea, eta teknologia berrien bidez euskara gizarteratzea. Euskal hizkuntz komunitatea trinkotzea.
Ezaugarriak
- Dinamikoa: Egunean eguneko informazioa gehituko da webgunera. Egunero webgunean berritzen saiatuko gara. Asteburuetan, normalean, ez dugu notiziarik sartuko, baina beharrak eskatzen duenean, ez diogu lanari atzea emango.
- Parte hartzailea: Erabiltzaileak parte hartze zuzena izango du proiektu honetan. Albisteak osatu eta horien gaineko iritziak emateko aukera izango du irakurleak. Gainera, agendako ekitaldiak norberak sartzeko moduan jarri dugu.
- Moderatua: Editore batek kudeatuko du, eta ataria eguneratzeaz gain, erabiltzaileen iritziak moderatzeaz ere arduratuko da. Parte hartzea egoki bideratzeko eta kalitatea bermatzeko araudi bat ezarri dugu.
Lan Taldea
- Editorea: Josune Zarandona Alberro
- Aldizkariaren koordinatzailea: Asier Zaldua Urretabizkaia
- Diseinua: Acuataller
- Aholkularitza teknikoa: FitBak
- Osagaien itzulpena:
Arantxa Lizarralde, Asier Treku, Eneida
Andueza, Jon Larratza, Jonmikel Intsausti, Josu Aztiria, Josune
Zarandona, Juan Etxenike, Lide Agirrezabal, Maria Korta, Marisa Alvarez,
Mikel Babiano, Mirari Zaldua eta Sebas Iturriotz.
|
