Datorren igandean, azaroaren 7an, Zumarragako XXII. Buzkantza Lehiaketa, "Jose Maria Busca Isusiren omenezko XIX.a" izango da Euskadi enparantzan.

            10:30etik 11:00ak arte lehiaketako, erakusketako eta salmentako partaideen aurkezpena izango da. 12:00etan epaimahaiak buzkantzak probatzeari ekingo dio eta 12:30ean "Kinttela"-k hezitako zaldi-behorren erakustaldia eskainiko du. Ordubete beranduago, 13:30ean, sari banaketari ekingo zaio. Aipatutako hauez guztiez gain, eskulanen erakusketa, umeentzako tailerrak eta buzkantza salmenta izango dira goiz osoan zehar.