Espainiako Auzitegi Gorenak Eusko Abertzale Ekintza-Acción Nacionalista Vasca (EAE-ANV) alderdia. 1930ean sortutakoa, legez kanpo uzteko agindua eman du, Estatuaren abokatuak eta fiskalak egindako eskaerak onartuz.
Batasunari laguntza eta sostengu politiko-instituzionala ematea, eta Batasunarekin lotura finantzario-ekonomikoa izatea argudiatu du auzitegiak.
2007ko udal hauteskundeetan Urretxuko alderdirik bozkatuena izan zen EAE-ANV. Gehiengo soilean bada ere, Iñaki Zabalak hartu zuen alkatetza. Erabakiak ez du sorpresaz hartu, eta orain arte bezala, lanean jarraitzeko konpromezua agertu du.
"Erabaki hau, iragarritako kronika baten gauzatzea izan da. Ez genuen esperantza handirik; eraso hauek aspalditik datoz eta ez dakigu noiz bukatuko diren, baina gure determinazioak bere horretan jarraitzen du, orain dela hilabete edo orain dela urtebete bezalaxe, eta espero dezagun eraginik ez izatea. Azken batean, erabaki hauek Espainiako barne kontsumorako hartutako neurri batzuk dira; gure kontura zirko bat montatzen dute eta gu gara hemengo piztiak, beraien publikoaren kontsumorako eta espektakulurako".
Lotura duten albisteak:
- Legez kanporatu duten EAE-ANV alderdiak lau alkatetza eta 33 zinegotzi lortu zituen Goierrin (Hitza)
- Iñaki Zabala (Urretxuko alkatea): «Herria bera gu hemendik botatzera ez datorren bitartean lanean jarraituko dugu» (Goierriko Hitza)
- Espainiako Auzitegi Gorenak legez kanpo utzi du ANV (Berria)
- Dokumentazioa: EAE-ANV alderdiaren historia (ETB1eko bideoa)
- Iñaki Zabalari elkarrizketa Argia astekarian
- ANVren jarduera eten du Garzonek, baina zinegotziek karguari eutsi ahal izango diote
- Urretxun EAE-ANV-k bakarrik gobernatuko du
- Urretxun EAE-ANV eta Zumarragan PSE-EE garaile.
