Aldiri kiroldegiko harmailak bete egin ziren larunbatean, Real Madrileko beteranoen eta Goierri Verkolen arteko partida ikusteko.
Goierri Kirol Elkarteko saskibaloi sailak gutxienez 1969. urtetik saskibaloian lanean buru-belarri jardun duten Balentin Berriotxoa, Anton Rodrigez eta Paco de Miguel omentzeko antolatu du ikuskizuna.
Partida hasi aurretik Goierriko arduradunek oroigarriak banatu zituzten omenduen artean; Real Madrilek eta Goierrik oroigarriak trukatu zituzten. Partida giro paregabearekin hasi zen harmailetako ikusleei esker. Irudian, Real Madrileko beteranoak Goierrik omendutako hiru urretxuarrekin.
