Orain dela urte batzuk sortu bazen ere, ostegunean aurkeztu zuten. Bertan Euskal Herriko ahozko ondarea aurki daiteke. Herrietan euskaraz nola egiten zen (oraindik gutxi batzuk hitz egiten badute ere) entzun dezakegu.

Zumarraga eta Urretxuko aho ondareak ere badaude. Oraindik digitalizatu gabe badaude ere (edo sareratu gabe) ikus daiteke ze pertsonei egin dizkieten elkarrizketak. Gaiez sailkatuak agertzen dira. Honela gizartea, baserria, ekonomia eta abarretan kategorizatu dituzte elkarrizketak. Elkarrizketatuen datuak ere ageri dira. Hortaz euskararen ondare bat bildu ez ezik, antropologi mailan ere sekulako balioa dute.

Gure herriotako elkarrizketak Xabier Lasak egin ditu eta "Urretxu eta Zumarragako euskara" libururako baliatu zituen. Zumarragan 24 izan dira elkarrizketatuak eta Urretxun aldiz 21. Ahotsak webgunean ez daude oraindik jarriak baina Otamotz.com-en elkarrizketa horiek entzun daitezke GIDAko "Urretxu eta Zumarragako euskara" liburu digitalean sartu ezkero.

Sar zaitezte eta entzun momentu honetan sarean dauden elkarrizketak. Konparatu gure herriko euskararekin eta gozatu orain dela urte dezente gure zaharrak nola bizi ziren entzunaz.

Informazio gehiago:

--> Sustatun agertutako albistea.

--> Ahotsak.com webgunea

--> Otamotz.com-en agertutako albistea