Gazteen maila

• 1. saria: hutsik geratu da
  
• Aipamen berezia: Jone Alberdi
• Aipamen berezia: Maialen Artetxe
  

Helduen maila

• 1. saria: Egoitz Alkorta
• 2. saria: Julen Zelaieta
• 1. mutrikuarra: Joseba Palenzuela

Soldaduska
(Doinua: Gai honek badu mamia)

1) Telebistako katean

nolako albistea,

dena arretaz entzunda

ez da izan txistea,

begiak zabal jarririk

ze momentu tristea,

egia esan jaso det

gaurkoan ezustea,

berriz helduko da garai

bateko nahastea,

inola ez det nahi une

latz hori iristea.

2) Kezka hori zergatikan?

izango da galdera,

beharbada jakinmina

baztertzea hobe da,

ez da ez horren erreza

daukagun egoera,

kuartel zahar ilunera

joan beharko gera,

gazte diren jende oro

soldaduen antzera,

hemendik lau urtetara

derrigorrez gainera

3) Ez da txantxa ez da broma

soldaduen kuartela,

badirudi gazte denok

arriskuan gaudela,

bai neskek ta bai mutilek

joan behar dutela,

gogora kuartelean

euren menpe zaudela,

hango bizimodua da

gogorra ta krudela,

erabiltzen baizaituzte

abereak bezela.

4) Bertan egotea ez da

inolaz ere sari,

egunerokotasuna

zail dela det nabari,

hori entzun izan diot

gutxienez aitari,

nik ez det hara joan nahi

esan diot amari,

Euskal Herria delako

nere etxe ta kabi,

ta beldur diodalako

hara joateari.

5) Armada barruan bada

hainbat otso ta oilar,

sorbaldan nahiz kukurrean

punta askoko izar,

soldaduak gazte-gazte

komandanteak zahar,

horiek gerturatzean

egiten dugu dar-dar

euskaldun geradenokin

beti izan dira txar,

horregatik soldadutzak

gauza onik ez dakar.

 

6) Jarri beharko naiz orain

geroari begira,

hango izarrek ez dute

horrenbeste dizdira,

buruan det sekulako

nahasketa ta jira,

bizitza ona izango

balitz bertan sikira,

agintari denak zintzo

eta onak balira,

beharbada soldaduska

pasatuko zen di-da.

Zorionak Jone!!!