Bihar hasiko dira 2007. urteko Santa Lutzi jaiak. Aurten Zelai Arizti parkea obratan dagoenez ez da bertan ekitaldirik egongo, baina herri guztian zehar eta egun osoan zehar izango da zer ikusi.



Ekitaldi ugari egongo dira egunean zehar. Horrenbeste ikusmin sortu zuen gizon proba ere egongo da ekitaldi berrien artean. Baina biharko egunaren zain egon gabe, gaur gauean Luzio Gabiria zenaren omenezko XX. bertso jaialdia izango da. Aurten data hori dela eta, antolatzaileek sorpresaren bat iragarri dute.