Ostadar Mendi astean bi goierritar izango dira hurrengo protagonistak. Gaur Josune Bereziartu eskalatzaileak Uda Alpinoa ikusentzunezkoa emango du. Iaz Bereziartuk berarentzat eta beste alpinista askorentzat amets dena gauzatzea lortu zuen: Jorasses Handietako Walkera Espoloia Cassin bidetik burutzea. Bereziartuk horren berri emango du Zelai Arizti aretoan, 20:00etan. Bestalde, Koke Lasa goierritarrak duela gutxi Goierriko Hitzari adierazitakoaren arabera, "oso gogorra" izan da Shisha Pangma, baina asko gozatu du. Horren berri zein beste hainbat gaien inguruan mintzatuko da bihar Ostadar Mendia Astearen egitarauaren baitan, toki eta ordu berean.