Urretxu eta Zumarragako Atari Digitala

Azken eguneraketa:2008.07.08 - 18:37

Bat egin gurekin

Parte hartzeko erregistratu

"La vida de los otros" filma gaur gauean

4.0 (4)

Nork idatzia otamotz.com 2007-10-26 Bistaratzeak: 1742

Zuzendaritza: Florian Henckel von Donnersmarch

Gidoilaria: Florian Henckel von Donnersmarch

Antzezleak: Ulrich Mühe, Martina Gedeck, Sebastian Koch, Ulrich Tukur,
Thomas Thieme, Hans-Uwe Bauer, Volkmar Kleinert, Matthias Brenner,
Charly Hübner

Herrialdea: Alemania

Urtea: 2006

Iraupena: 144 min.

Sarrera: 3,50 €

Lekua: Zelai-Arizti Aretoa (Zumarraga)

Zuzendariaren esanetan bere haurtzaroko oroitzapenak dira filma hau
egitearen arrazoi nagusia. Bere gurasoak antzinako ekialdeko Alemanian
jaio ziren eta maiz pasatzen zen Berlineko beste aldera. Momentu
haietan antena batzuk balitu bezala, helduen beldurra sentitu zezakeela
dio, bai gurasoen aldetik baita bisitatzen zituzten senitartekoen
aldetik ere. Esperientzia haiek izan gabe gai hau dagokion moduan
jorratzea ezinezkoa litzaiokeela uste du.

Beste alde batetik, aktore eta teknikoekin egindako lanak eman zion
zentzu osoa pelikulari. Hauetako asko ekialdetik zetozen eta
esperientzia eta ikuspuntu bereziak eta oso pertsonalak zekartzaten
beraiekin. Harritzekoa bada ere, Florianen esanetan, reunifikaziotik 14
urte pasa ondoren jende honentzat hainbat gauzaz hitz egiteko lehen
aukera izan zen hau. Zauri batzuk denbora asko behar dute sendatzeko.

Pertsonaiak hainbat benetako pertsonetan oinarrituta daude, beraz
posible da jende asko batekin edo besteekin identifikatzea. Baina hau
ez da roman à clef moduko pelikula bat (hots, fikziozko estalki baten
azpian benetako istorioa kontatzen duenetakoa). Ondorioz pertsonaiak
eta gertaerak apropos definitu gabe uzten dira. Adibidez Hempf
karterarik gabeko ministroa da. Zuzendariarentzat garrantzitsua zen
zehaztasun historikoetan ez galtzea. Bere asmoa jende errealaren
istorio bat kontatzea zen bai, baina batik bat emozioen ikuspuntutik
kontatzea. Boterea, ideologia, printzipioak eta sentimenduen arteko
gatazka, modu orokor batez planteatuz.

Edozein iradokizun izanez gero edo, besterik gabe, gurekin harremanetan jartzeko: E-posta helbide hau zabor-posta bidaltzen duten roboten kontra babestua dago. Ikusi ahal izateko Javascript-a gaituta izan behar duzu.

Erabiltzaileen iruzkinak

Erabiltzaileen batez besteko balorazioa

Artikuluaren Balorazioa:

4.0

bertsio orijinalak

eguerdion:

lehenik eta behin, zorionak eman nahi dizkiot zineklubari, hain sarri antolatzen dizkiguten ekitaldiengatik; orain bi aste shortbus filma ikusten izan nintzen, adibidez, eta bestela sekula ikusiko ez nukeen pelikula ikusteko aukera eduki nuen

dena dela, penatxo bat badaukat, izan ere gaztelaniaz bikoiztuta ikusi behar izan genuen film hura, jatorrizko bertsio azpititulatuan beharrean; gaurko hau ere hala emango dutela entzun dut; martxoan donostiako antiguo berri zinemetan alemanieraz (gaztelaniazko azpitituluekin) ikusi nuen nik, eta izugarri galduko duela iruditzen zait

horrexegatik, ahal dela, filmak J.B.A.n ikustea nahiago lukeen zinezale bat behintzat badela adierazi nahi nien antolatzaileei, eta ahal dutela kopiak hala eskuratzeko ahalegina egin dezaten eskatu

Antton

(pd: azpititulu horiek gaztelaniaz egonda konforme, noski, nola eta aurrez zinemaldian-edo euskarazko azpitituluekin emandako film bat ez den)

Artikuluaren Balorazioa:

4.0

Iritzi emailea Antton
2007-10-26

Barkatu hankasartzea

Gaurko filma jatorrizko bertsioan da, Zine Klubekoek ondo pasatu zidaten informazioa baina ez dakit zergatik nik gaizki sartu agendan. Ba hori, jatorrizko bertsioan da, alemanieraz, barkatu berriro ere!

Artikuluaren Balorazioa:

4.0

Iritzi emailea Sebas
2007-10-26

Gaztelaniaz da bai

Bat baino gehiago mareatuko da, kontua Anttonen arrazoi duela eta nik nire apunteak ondo nituela, gaztelaniaz da. Arratsaldean Zelai Ariztira joan behar izan dut eta Danik hori esan dit.

Artikuluaren Balorazioa:

4.0

Iritzi emailea Sebas
2007-10-26

zineklubaren e-posta

Egunon, zineklubak sortu berri du bere e-posta: E-posta helbide hau zabor-posta bidaltzen duten roboten kontra babestua dago. Ikusi ahal izateko Javascript-a gaituta izan behar duzu. .

Bertara igorri ditzakezue zuen iruzkinak, gomendioak kritikak eta abar.

Eskerrik asko Antxon zure babesagatik, eta aintzat hartzen dugu zure iritzia, jatorrizko bertsioaren ingurukoa. Zure e-posta jakinarazten badiguzu, gai honen inguruan nola jokatzen dugun (jatorrizko bertsioak) argitu diezazukegu. Eta igorri nahi diguzun edozer gure helbidera bidaltzeko gonbidapena luzatzen dizut, zuri eta iritzi hau irakurtzen duten guztiei.

Artikuluaren Balorazioa:

4.0

Iritzi emailea 2as33
2007-11-16