Orain ia bi aste Berriak erreportaje interesgarria argitaratu zuen, apirilaren 10ean oker ez banago.
Bertan, Euskal Herriko 217 enpresek Europak ezarritako kutsadura-muga gainditzen zutela aipatzen zen, hau, da aztertutako enpresetatik ia erdiek gainditu zituztela legezko mugak.
Europako Batsunak legez behartzen ditu erakundeek kutsadura-muga gainditzen duten enpresen zerrenda publiko egin dezaten eta Espainiako Gobernuak EPER erregistroa sortu zuen. Erregistro horretan, kutsadura-maila azaltzen duten hainbat adierazle daude eta zein enpresek kutsadura-muga gainditu duten jakin dezakegu.
Erregistroan arakatuz ikusi ahal izan dut Zumarragan kokatutako enpresa batek legezko kutsadura-muga gainditu duela.
- Hemen bere kokapena
tagzaniapaste
Acerlor Mittal Zumarraga map - Tagzania
Horrelako neurriak egokiak dira enpresen erantzunkizuna eta ardura agerian jartzen baita herritarren aurrean eta presio-bidea ere izan daiteke. Hala ere, erakunde publikoek zorroztasun handiagoz jokatu beharko lukete ingurumenari eta herritarron osasunari zuzenean eragiten dioten kalteez ari baikara.
Ezin da onartu enpresa hauek sekulako etekinak erdiesten dituzten bitartean sortzen dituzten kostu eta "zehar kalteak" (Kutsadura, gaixotasuna...) sozializatzea. Herritarrok horrelako egoerak salatu behar ditugu eta erakundeek zorrotzago jokatu.
Eta Udalek ere bai.
Informazio gehiago:
Bilbo Hiria irratian gaiaren inguruan Ekologistak Martxan-eko kide den Iñaki Barcenari egindako elkarrizketa duzue hemen.
