Orain ia bi aste Deba Ibarreko Badihardugu elkartearekin elkartu ginen eta proiektu interesgarri baten berri eman ziguten. Euren helburua, Deba eskualdeko eta inguruko herrietako ahozko ondarea batzea, eta fonoteka digital bat osatzea da.
Deba ibarreko herrietan hasi baziren ere Gipuzkoako hainbat herritara zabaldu dute proiektua eta Urretxu-Zumarragako ahozko ondarea ere bildu nahi dute.
Xabier Lasak burututako Urretxu eta Zumarragako Euskara lanean badira hainbat entzungai eta badu hainbat material bildurik. Honela, orain arte eskuartean duguna bildu, inbentarioa egin eta Badihardugu elkartekoei pasako diegu.
Horrez gain, eta hau garrantzitsua da, inork etxean Urretxu eta Zumarragako euskara entzuteko moduan dagoen audio eta bideorik balu elkartera bidaliko bazenute biziki eskertuko genuke. Horretarako jarri gurekin harremanetan.
Proiektuak, aurrera begira, lan gehiago izango ditu (Audioak bildu, txukundu, digitalizatu...) eta herritarren bazkide nahiz herritarren laguntza beharko dugu. Ea martxan jartzea lortzen dugun.
Informazio gehiago:
- Badihardugu Euskara Elkartea
- Ahotsak proiektua
- Orain arteko herriak
